Category Archives: Actividades

“Tempo de Entroido” en Laza

28 Xaneiro, 2023 Felos de Maceda

A asociación do Entroido de Laza en colaboración co Concello dentro da sua programación de “Tempo de Entroido” organizou o sábado 28 de xaneiro de 2023 unha xornada moi completa, cun encontro ás 18:00 na sede do Concello de varios Entroidos amigos.
En primeiro lugar proxectouse a curta de Mirian Opazo, Nigún Deus, que realizou como traballo de fin de carreira para a universidade.
En segundo lugar, houbo un pequeno coloquio cos Entroidos convidados: os Felos de Maceda, os Boteiros de Viana do Bolo e as Bonitas de Sande.

No coloquio tocáronse diversos temas sobre as dificultades e as realidade ás que se enfrontan os Entroidos rurais no contexto social. O despoboamento do rural, a descontextualización das tradicións, a necesidade dun Entroido sostible, a dificultade de recuperar tradicións sen caer en meras representacións teatrais…

Un espazo de diálogo amigo no que tecer lazos de amizade para ter un Entroido Galego Forte e Amigo.

Actividades, Fotos e Videos

28 de xaneiro de 2023, sábado fareleiro

28 Xaneiro, 2023 Felos de Maceda

Este ano despois de dous anos de pandemia empezan os felos con moitas gana de troula e diversión.

A serra encheuse de barullo , de xente . Unha explosión de vida nos nosos pobos.

Xa podemos oir os esgutíos dos felos (como animal ferido que volve a casa) as veces agudo e outras un sonido ronco que sae de dentro. Un falar que os da serra entendemos e anelamos todo o ano. O atronador ruido das chocas polas canellas, polos camiños que siguen espantando o lobo. Os felos xa percorren a serra con ese soriso retranqueiro e metendose cos homes e bailando coas mulleres.

Estan de volta!!!

Saíron en dous grupos grandes. Unhos comenzaron o percorrido por Castro, Pias, Santirso, Xinzo da Costa comendo no Lar dos Felos para logo arrancar a Celeiron, Vilar, Carguizoi, Tioira e rematando en Maceda.

Outro grupo saíu de Maceda, Tioira, Carguizoi, Vilar, Xinzo da Costa, Santirso , Pias e Castro.

Os felos saen en grupos organizándose entre eles os días previos.

Actividades, Fotos e Videos

7 de xaneiro 2023, comenza o entroido

7 Xaneiro, 2023 Felos de Maceda

O sábado 7 de xaneiro comenzou oficialmente o entroido en Maceda. O concello organizou un desfile as 19 da tarde amenizada coa Charanga A Felga e coma sempre con cea, este ano no Multiusos. Podendo participar todo aquel que quixera, condición impresindible ir disfrazado. De todos é sabido o carácter rebelde, anárquico e retranqueiro da nosa figura e como tal non foi.

Os felos saíron en pequenos grupos e entre amigos dende primeiro de ano.

O sábado 21 xa poidemos ver grupiños de felos sair polos pobos, algúns iban xa vestidos e outro só con carauta e chocas.

O sábado 28 de xaneiro tivo lugar en Laza un encontro de varios Entroidos amigos.
A asociación do Entroido de Laza organizou unha xornada moi completa, ás 18:00 na sede do Concello.
En primeiro lugar proxectouse a curta de Mirian Opazo, Nigún Deus, que realizou como traballo de fin de carreira para a universidade.
En segundo lugar, houbo un pequeno coloquio cos Entroidos convidados: os Felos de Maceda, os Boteiros de Viana do Bolo e as Bonitas de Sande.

No coloquio tocaronse diversos temas sobre as dificultades e as realidade ás que se enfrontan os Entroidos rurais no contexto social. O despoboamento do rural, a descontextualización das tradicións, a necesidade dun Entroido sostible, a dificultade de recuperar tradicións sen caer en meras representacións teatrais…
Un espazo de diálogo amigo no que tecer lazos de amizade para ter un entroido galego forte e amigo.

Fotos cedidas pola Asociación cultural enLazados

Actividades, Fotos e Videos

Reapertura do MuGaEO

16 Novembro, 2022 Felos de Maceda

O pasado mércores 16 de novembro de 2022 volveu abrir as súas portas o Museo Galego do Entroido. Despois dun período de incerteza, acompañado dunha pandemia mundial, o MuGaE vai a ter estabilidade nos horarios de apertura e no desenvolvemento das súas actividades.
A nova equipa está conformada por dúas rapazas que proveñen do mundo da educación e do ocio e tempo libre, As Curuxas SC con sede en Allariz. Contan con vinculación a comarca da Limia e con outros Entroidos da provincia por vinculación familiar. A súa querenza ao Entroido galego foi o que as animou a asumir este proxecto.
O principal obxectivo da nova equipa é dotar ao museo de vida e chegar ao conxunto da sociedade galega. Para isto, queren crear unha axenda de actividades culturais e mover moito as redes sociais do museo. Hoxe en día ter un papel activo no mundo virtual é igual de preciso que as actividades que se poidan levar a cabo nas propias instalacións.
Unha das actividades propostas para as redes sociais é dar a coñecer as diferentes personaxes do Entroido galego e ibérico. A primeira personaxe presentada foi o felo de Maceda, a cal tivo unha boa acollida entre os usuarios das redes sociais.

Horario:

-Luns e martes pechado
-Mércores a domingo, festivos incluídos: 10:00 a 13:30 e 16:00 a 18:30.
Estes serán os horarios de inverno, no verán ampliaranse

Actividades, Fotos e Videos

Mascarada Ibérica 2022 Vilariño de Conso

20 Marzo, 2022 Felos de Maceda

O domingo, 20 de marzo de 2022, na localidade de Vilariño de Conso, a partir das 11:30 da maña, tivo lugar a VII edición da Máscarada Ibérica na que se reuniron 33 grupos procedentes de España, Portugal, e Italia, despois do parón do ano 2020 polo covid, e suspendelo polo mesmo motivo no 2021.

Así tivemos ocasión de ver aos grupos enumerados a continuación ataviados con traxes tradicionais e máscaras de inverno chegados desde Galicia, Cantabria, Castela e León, Castela-A Mancha, País Vasco, Portugal ( Bragança e Viseu) e Italia (Sardeña):

Antruejo de Carrizo de la Ribera – Leon
Asociación Xuntos Polo Fulión e Boteiros – Vilariño
Atenazador – San Vicente de la Cabeza, Zamora
Boi. Charrelos, Home de Prada, Morte, Vella e Zamarreiro – A Veiga
Bonitas – Sande, Cartelle
Caretos – Lazarim
Caretos (Parada de Infançôes, Bragança
Carnaval – Abanto, Zierbena, Bizkaia
Diablos e mascaritas – Luzón, Guadalajara
Entroido de Samede – San Mamede, Paderne
Felos e Madamas – Esgos
Follateiros – Lobios
Fulión e Mázcaras – Buxán
Fulión e Mázcaras da Mourela pra acá – Manzaneda
Fulión, Mula e Boteiros de Viana do Bolo
Galos – San Pedro, A Mezquita
La Vijanera de Silió – Cantabria
Joaldunak – Ortuella
Madamas e Galáns – Carzoá, Cualedro
Madamas e Galáns – Cobres, Vilaboa
Mamuthones e Issohadores – Mamoiada, Nuoro
Mazcaras (A Xironda)
Mazcaras y madamas – Pombriego, León
Merdeiros – Vigo
Oso de Salcedo – Pobra de Brollón, Lugo
Rancho e Cabaleiros de Entroido da Feira (Salceda de Caselas)
Sidros y Comedies de Valdesoto
Talanqueiras y Visparros – Zamora
Toro e Xigante – Celavente, O Bolo
Vellarróns – Riós
Vergalleiros de Sarreaus
Xenerais do Ulla

Esta cita comezou no ano 2015 con dez grupos participantes, cinco anos máis tarde. no 2020, o encontro muda de nombre e a “Máscarada Ibérica” pasa a llamarse “ViboMask” incluindo máis actividades durante toda a fin de semana.

A pesar das temperaturas baixas desta época poidemos disfrutar dun desfile no que a vistosidade e colorismo das máscaras participantes.
Unha breve mostra fotográfica de todo esto:

Mamuthones e Issohadores – Mamoiada, Nuoro

Actividades

Mascarada Ibérica 2022 Viana

19 Marzo, 2022 Felos de Maceda

O sábado, 19 de marzo de 2022, na localidade de Viana, a partir das 4 e media da tarde, tivo lugar a VII edición da Máscarada Ibérica na que se reuniron 33 grupos procedentes de España, Portugal, e como novidade a presenza dun grupo de Italia.

Antruejo de Carrizo de la Ribera – Leon
Asociación Xuntos Polo Fulión e Boteiros – Vilariño
Atenazador – San Vicente de la Cabeza, Zamora
Boi. Charrelos, Home de Prada, Morte, Vella e Zamarreiro – A Veiga
Bonitas – Sande, Cartelle
Caretos – Lazarim
Caretos (Parada de Infançôes, Bragança
Carnaval – Abanto, Zierbena, Bizkaia
Cigarróns (Verín)
Diablos e mascaritas – Luzón, Guadalajara
Entroido de Laza (Laza)
Entroido de Samede – San Mamede, Paderne
Entroido Ribeirao – Santiago de Arriba, Chantada
Felos – Maceda
Felos e Madamas – Esgos
Follateiros – Lobios
Fulion – Vilariño de Conso
Fulión As Carrelas e Boteiros – Viana do Bolo
Fulión e Mázcaras – Buxán
Fulión e Mázcaras da Mourela pra acá – Manzaneda
Fulións Rurais – Viana
Galos – San Pedro, A Mezquita
Joaldunak – Ortuella
La Vijanera de Silió – Cantabria
Madamas e Galáns – Carzoá, Cualedro
Madamas e Galáns – Cobres, Vilaboa
Mamuthones e Issohadores – Mamoiada, Nuoro
Máscaros – Vila Boa
Mazcaras y madamas – Pombriego, León
Merdeiros – Vigo
Morte – Valdín, A Veiga
Oso de Salcedo – Pobra de Brollón, Lugo
Pantallas – Xinzo de Limia
Peliqueiros e Parrafón – Campobecerros, Castrelo do Val
Talanqueiras y Visparros – Zamora
Toro e Xigante – Celavente, O Bolo
Xenerais do Ulla

Esta cita comezou no ano 2015 con dez grupos participantes, cinco anos máis tarde o encontro muda de nombre e a “Máscarada Ibérica” pasa a llamarse “VivoMark” incluindo máis actividades durante toda a fin de semana.

Unha breve mostra fotográfica de todo esto:

Actividades

Vikingos e celtas na serra de san Mamede

27 Febreiro, 2022 Felos de Maceda

E como non, este ano con mais gañas de forma especial, o saúdo dende Gotemburgo, Suecia de Helena Ericksson vestida de Felo percorrendo os montes xélidos da súa terra natal.

A importancia da ilusión e non importar meterse en leas, estas foros as dúas razóns para facer o pantalón de Felo. Pedindo os patróns e as indicacións para facelos.
Non me negaredes que debería ser nomeada filla adoptiva da Serra?

De esta nosa serra, tan maxestosa é grande que os espíritos dos Felos metéuselles a esta viquinga alta e miúda e en vez de botalo con algún meigallo do norte cada noite de lúa chea debe agradecerlle os deuses viquingos e celtas poder ser a ánfora que habita ese espírito anárquico e rebelde.

Actividades, Fotos e Videos

Baixada da Marela 2022

26 Febreiro, 2022 Felos de Maceda

O 26 de febreiro de 2022, despois do parón pandemico do ano 2021, e ainda que sin convocatoria previa realizouse a octava edición da Baixada da Marela, A actividade que correu a cargo da Asociación Felos das 12 Parroquias, deu comenzo frente o Bar Indio ás 20.30h.

Dende o Toural baixaron os carros presididos pola Marela polas rúas ata o centro da vila ca animación da Charanga BCB e Charanga Zes Pereiras de Amarante,

Ás 20:30h charanga BCB polas rúas e bares de Maceda para terminar as 00:00 h coa Marelada coa Charanga “Pereira de Amarante”

Esta actividade xa esta consolidada no Entroido de Maceda e así o corroborá a gran afluencia de xente a Solta da Marela, moitos moitos participantes e a festaza polas rúas de Maceda despois.

Gracias os hosteleiros que colaboraron: Bar Sala, O Pincho, Porta Sacra, Pagas tú, Km 0, Café bar Plaza, Casa Rosa, A Fenda, Cervexería, Restaurante a Diligencia, Cafetería Castillo, Pub Simbol e Umpalumpa, grazas pola vosa colaboración.

Actividades

Sábado e domingo corredoiro

26 Febreiro, 2022 Felos de Maceda

Chegou o tan desexado sábado de entroido. Este ano todos tiñamos moitas ganas de troula despois de estar un ano sen entroido. Os grupos dos Felos saíron de Maceda sobre a 10 da maña, fóronse repartindo en grupos e foron subindo os pobos como puideron en coches particulares. ademais este ano coincidiu que a saída da volta ciclista “O Gran Camiño“ que durante catro días percorreu Galicia, na terceira etapa de 146 km, Camiño de Ourense: Ribeira Sacra, partía de Maceda. Así que foi un pouquiño mais caótico ca sempre.

Os Felos foron visitando os pobos de Castro, Pias, Santirso, Xinzo da Costa e Celeiron . Logo foron comer a Dilixencia e algún felo tivo tempo de estar para a Saída da volta e entregar os premios que alí se repartiron os ciclistas mais destacados do ano.

Pola tarde visitaron Barxela, Vilar, Carguizoy e Tioira para rematar en Maceda. Xuntáronse cerca de 100 Felos. Este sábado de entroido o protagonista absoluto foron os nenos que tiñan moitas ganas de sair.

A pesar de non estar anunciado saíu a Marela consolidándose a festa un ano mais.

O domingo puidéronse ver outro grupo de felos pola serra. Case uns 50 Felos que foron en bus, pero a tarde debido a un falecemento moi achegado retiráronse.

Actividades, Fotos e Videos

Venres de comadres

25 Febreiro, 2022 Felos de Maceda

Este ano voltaron a cambiar as cousiñas. As comadres xuntaronse. Pero por culpa do Covid non houbo reunión de todalas comadres en Maceda. Esta vez fíxose por parroquias. En Maceda xuntouse un grupo de mulleres e houbo troula polo pobo. As Comadres da parroquia de Tioira xuntáronse e foron dar unha voltiña pola parroquia logo cearon no Lar dos Felos en grupiños.

Horario:

Os Felos e o Entroido en Maceda (Ourense)