Category Archives: Publicacións

Reapertura do MuGaEO

16 Novembro, 2022 Felos de Maceda

O pasado mércores 16 de novembro de 2022 volveu abrir as súas portas o Museo Galego do Entroido. Despois dun período de incerteza, acompañado dunha pandemia mundial, o MuGaE vai a ter estabilidade nos horarios de apertura e no desenvolvemento das súas actividades.
A nova equipa está conformada por dúas rapazas que proveñen do mundo da educación e do ocio e tempo libre, As Curuxas SC con sede en Allariz. Contan con vinculación a comarca da Limia e con outros Entroidos da provincia por vinculación familiar. A súa querenza ao Entroido galego foi o que as animou a asumir este proxecto.
O principal obxectivo da nova equipa é dotar ao museo de vida e chegar ao conxunto da sociedade galega. Para isto, queren crear unha axenda de actividades culturais e mover moito as redes sociais do museo. Hoxe en día ter un papel activo no mundo virtual é igual de preciso que as actividades que se poidan levar a cabo nas propias instalacións.
Unha das actividades propostas para as redes sociais é dar a coñecer as diferentes personaxes do Entroido galego e ibérico. A primeira personaxe presentada foi o felo de Maceda, a cal tivo unha boa acollida entre os usuarios das redes sociais.

Horario:

-Luns e martes pechado
-Mércores a domingo, festivos incluídos: 10:00 a 13:30 e 16:00 a 18:30.
Estes serán os horarios de inverno, no verán ampliaranse

Publicacións

Nunha túnica de sombra

22 Febreiro, 2020 Felos de Maceda

(Fío a fío de vida felos)

nunha tunica de sombra, portada do libro de Emilio Arauxo sobre os Felos 2020

Baixo o título de “Nunha túnica de sombra (Fío a fío de vida felos)” chega unha nova publicación non venal da editorial Amastra-N-Gallar da man de Emilio Araúxo.

En 114 páxinas achéganos un ano mais o gran valor material e inmaterial dos nosos Felos do Val de Maceda, unha colección de imaxes recollidas por el mesmo durante o percorrido dos Felos polos pobos da Serra o sábado de entroido de 2019 non faltando unha pequena mostra da “Baixada da Marela”, tamén un saúdo moi entrañable dende Suecia, Helena Ericksson e Helena Fagertun e Kasimir Lindengren na rexión de lagos e bosques de Vättlefjäll. O poema «Túnica de sombra» e unha relación de nomes completan a obra.

Neste libriño inmortalizase o ir e vir, os nenos, o calor de recordos dun pasado que chega en forma de doces e de ritos, carautas, chocas, o poder dos Felos na Serra, as chaquetillas, o dinamismo, …

Actividades, Publicacións

Programas entroidos de Ourense 2020

12 Febreiro, 2020 Felos de Maceda

Unha festa na que se valora o espíritu participativo e as ganas de divertirse, hai que ir disfrazado, non importa de que, sen disfraz un corre o risco de sufrir uns golpes de fusta; de que lle boten fariña ou formigas vivas; ou de ter que convidar a unha rolda de viños.

É o que hai!

O entroido ourensán é ancestral, unha celebración de longa tradición popular, que a día de hoxe goza de moi boa saúde, aínda que algúns ritos e peculiaridades se teñan perdido e outros estean en proceso de recuperación.

É unha festa de interese turístico internacional en Xinzo de Limia, de interese turístico nacional en Verín, e de interese turístico galego en Laza, Maceda, Manzaneda, Viana do Bolo e Vilariño de Conso.

E en Ourense acompañamos sempre o entroido dunha boa mesa onde o protagonista é o porco, coa guarnición das patacas, os grelos ou os garavanzos. E de postre, filloas, orellas, bica…, para rematar cun bo licor café. Que empece a festa !

A Deputación de Ourense co Entroido! .

Descarga o ficheiro aquí

Publicacións

Caderno de Campo 2019. Especial Entroido

25 Marzo, 2019 Felos de Maceda

Publicado pola Sociedade Antropolóxica Galega sae o “Caderno de campo 2019, Especial Entroido. Boletín informativo da Sociedade Antropolóxica Galega” nun formato especial adicado á nosa festa ritual máis importante do ano: O Entroido.

Un número que compendia oito artigos de diferentes investigadores socios e colaboradores da SAGA, así como dúas fabulosas reportaxes fotográficas dos nosos fotógrafos colaboradores Pedro G. Losada e Roberto de la Torre, así como a derradeira e inédita crónica fotográfica de Ángel Gilberto Martínez “Papigil”, que tristemente nos deixou o ano pasado.

O contido deste número especial é o seguinte:

“Que é o Entroido?” por Miguel Losada. “La noche, los Antroidos, los caminos y los dioses viejos” por José Luis Cardero. “A figura da Vella mitolóxica como personaxe do Entroido” por Lidia Mariño. “As mázcaras xiróvagas das Terras de Manzaneda. Unha danza para mover o mundo” por Rafael Quintía. “Pinténs: Entroido en Hío” por Xerardo F. Santomé. “Cantos de Entroido no Oriente ourensán” por Carlos X. Ares. “Máscara, identidade e transformación no tránsito ao Entroido urbano” por Miguel Alonso.

“”Guardar carne el día carnes tollendas”. Contribución ao estudo do porco no Entroido” por X. Anxo Rosales.

A “Crónica da V Mascarada Ibérica” por Pilar López Vilas

O Resumo de actividades da Sociedade Antropolóxica Galega (2015-2018)

No apartado de crónicas: Ángel Gilberto “Papigil”, “O son do Entroido” por Pedro G. Losada, “O ciclo enmascarado da Invernía” por Roberto de la Torre.

Para rematar cun catálogo de publicacións

Podes acceder o visionado online ou a súa descarga no seguinte enlace:

Caderno de Campo 2019

Publicacións

Antroidos e máscaras na Galiza rural

28 Febreiro, 2019 Felos de Maceda

Monográfico número 4 de Sermos Galiza presenta, nunha introdución de Felipe Senén e en fotografías e comentarios de Alfonso García Santos, 52 antroidos con máis de 120 fotografías obtidas en máis de dez anos, a grande maioría descoñecidos.

Os entroidos que recollen neste caderno distan das fórmulas importadas e uniformadas, aquelas das carautas de plástico á venda nos bazares. As variedades tradicionais que testemuña Santos coas súas imaxes son etnoarqueoloxía vixente.

Son o entroido auténtico. “É naqueles sitios pequenos do interior da montaña onde mellor se conservaron as tradicións, que pasaron de pais a fillos, e non son poucos os entroidos recuperados polo deus turismo”, afirma o fotógrafo, que elixiu as imaxes tiradas nos últimos quince anos para compoñer o mapa desta festa da liberdade e da creatividade. “Hai décadas, dixemos cuadriláteros, hoxe dicimos espiral infinda, galaxia do entroido galego”, apunta Felipe-Senén ao respecto no texto introdutorio da publicación.

As testemuñadas polo fotógrafo son as seguintes: a Marela de Maceda; a Morena de Matamá; a Pita das Eiroás; a Queima do Meco; a Solta da Marela de Maceda; as figuras de animais no entroido; as Bonitas de Sande; Baixada da Morena de Laza; Boteiros de Trives; Boteiros de Viana do Bolo; Boteiros de Vilariño de Conso; Charrelos de Baños; Chocalleiro de Vilardevós; Cigarróns de Verín; Entroido Ribeirao; Fareleiros; Felo de Garabás; Felos de Boborás; Felos de Esgos; Felos de Maceda; Gárgolas de Celanova; Galos da Mezquita; Labardeiros de Mugares; Máscaras de Buxán; Madamas e Galáns de Cobres; Madamitas de Entrimo; Maragatos de Laza; Mázcaras da Xironda; Mázcaras de Manzaneda; Meco das Teixugueiras; o Boi da Veiga; o Cabreiro de Muíños; o Cigarrón de Verín; o Exército dos panos; o Fedelloso de Meira; O Folión; o Irrio de Lumeares; o Meco da Xironda; o Meco das Teixugueiras; o Oso de Salcedo; o Rei de Covelo; o Xigante e o Touro de Celavente; o Vellarrón de Riós; o Vello dos Cornos de Vila de Cruces; o Zarramanculleiro de Cualedro; os Chambergos de Santeles; Pantallas de Xinzo; Peliqueiros de Campobecerros; Peliqueiros de Laza; Troteiros de Bande; Vergalleiras das Teixugueiras; Vergalleiros de Sarreaus; Vixigueiros de Samede e os Xenerais da Ulla.

Editorial: SERMOS GALIZA
Año de edición: 2019
ISBN: 978-84-09-08994-9

Aliás, quen quixer adquirilo, poderá facelo en librarías a partir dos próximos días a un prezo de 19,90 euros.

[Podes adquirir este caderno monográfico en AS-PG]

Publicacións

Programas entroidos de Ourense 2019

16 Febreiro, 2019 Felos de Maceda

O entroido na provincia de Ourense non só se celebra nos catro días principais, de sábado a martes de entroido, onde as bromas, os disfraces e os traxes típicos enchen a cidade, as vilas, aldeas e rúas, días nos que se anima á participación popular; senon que desde xaneiro xa se comeza a preparalo, como acontece en Xinzo de Limia, cun dos ciclos máis longos. Unha festa na que se valora o espíritu participativo e as ganas de divertirse, hai que ir disfrazado, non importa de que, sen disfraz un corre o risco de sufrir uns golpes de fusta; de que lle boten fariña ou formigas vivas; ou de ter que convidar a unha rolda de viños. É o que hai! O entroido ourensán é ancestral, unha celebración de longa tradición popular, que a día de hoxe goza de moi boa saúde, aínda que algúns ritos e peculiaridades se teñan perdido e outros estean en proceso de recuperación. É unha festa de interese turístico internacional en Xinzo de Limia, de interese turístico nacional en Verín, e de interese turístico galego en Laza, Maceda, Manzaneda, Viana do Bolo e Vilariño de Conso. E en Ourense acompañamos sempre o entroido dunha boa mesa onde o protagonista é o porco, coa guarnición das patacas, os grelos ou os garavanzos. E de postre, filloas, orellas, bica…, para rematar cun bo licor café. Que empece a festa ! A Deputación de Ourense co Entroido! .

Descarga o ficheiro aquí

Publicacións

Páxinas Pasando de Emilio Arauxo 2019

14 Febreiro, 2019 Felos de Maceda

Paxinas pasando dos tellados polos felos

Co título “Páxinas Pasando dos tellados polos Felos” chega unha edición non venal da editorial Amastra-N-Gallar na que se nos agasalla cunha colección extensa de imaxes obtidas polo poeta, filósofo, escritor e etnógrafo Emilio Arauxo.

Aínda que o libro comeza cuns textos sobor dos Felos, nesta ocasión colle enseguida peso a imaxe, 150 páxinas nas que se recolle documentalmente os ritos, a dinámica da máscara durante o percorrido dos Felos polas aldeas da Corga da Serra durante todo o entroido, mais concretamente o sábado. Nenos, carautas, chocas, xente que recorda os Felos e os que o viven por primeira vez, sentimentos, sensacións…

De forma especial, o saúdo dende Gotemburgo, Suecia de Helena Ericksson e Kasimir Lindengren lucindo carauta de Felo sobre un lago xélido.

Publicacións

E Tempo de Entroido!

15 Novembro, 2018 Felos de Maceda

“É Tempo de Entroido” e un libro ilustrado infantil de Ramón D. Veiga e David Sierra publicado no ano 2018 pola editorial “Xerais” en lingua Galega.

O libro e de ilustracións e tapa dura, ten un total de 40 páxinas.

É tempo de Entroido, de festa, de máscaras, de filloas e de cocido. E que pasa cando se xuntan algúns dos personaxes máis senlleiros do Entroido para darse unha boa paparota? Que non deixan nin a vergonza do galego!

ISBN: 9788491214069

É tempo de entroido! from Xerais on Vimeo.

Publicacións

Felotextos

12 Marzo, 2018 Felos de Maceda

Versos de poetas estranxeiros para darlle pulo á máscara local de Maceda
A máscara típica de Maceda esperta interese fora da vila, fora de Galicia. Emilio Arauxo, filántropo, dono do selo editorial Amastra-N-Gallar, leva publicados máis de corenta felotextos con poetas de medio mundo.

Entre os últimos publicados “O cosmopolitismo e a afirmación encriptada do universo felo”. A poetisa sueca Helena Eriksson esculcou na criptografía do enigma: “I love Peliqueiro but I am Felo” ou “Felos de Maceda, enigma ancestral e cosmopolitismo”, do historiador e escritor macedán Santiago Prol.

Listado de obras e autores:

1 A Espera de Claude Royet-Journoud
2 A máscara é a revelación do Si Mesmo en tanto que Outro de Donatella Bisutti
3 A máscara non instaura unha distancia, senón outra proximidade de Claude Royet-Journoud
4 A nena fela de Lupe Gómez
5 A pesar da chuvia de Olivier Cousin
6 A verdade dos felos de Martin Melkonian
7 As Figuras de Jorn H. Svaeren
8 Atrás, pasaxe de Arturo Casas
9 Comento sen título de Carlos Lema
10 Da felonia – Apontamentos sobre a risa e o entroido de Maceda de Paula Godinho
11 Desfilar e desafiar de Olivier Cousin
12 Desvío de felos de Martin Melkonian
13 Detrás da néboa o Felo de Alexandre Nerium
14 Discurso de Luc Bénazet
15 Do cadro que o ollo inventa de Claude Royet-Journoud
16 Economía sumerxida de Lupe Gómez
17 Entre ou A outra proximidade de Helena Eriksson
18 Escallados nunha testa que flota como unha carantoña de Alexis Lask
19 Felo de Georges L. Roux
20 Felo de Joseph Attié
21 Felo con moza cos ollos pechados de Helena Eriksson
22 Felo dos nomes propios de María do Cebreiro
23 Felo otsailako ihauteri goizean de Itxaro Borda
24 Felos de Michele Cohen-Halimi
25 Felos de Rea Nikonova
26 Felos aínda serra de Michael O´Dea
27 Felos ao galope de Cécile Guivarch
28 Felos de Maceda, enigma ancestral e cosmopolitismo de Santiago Prol
29 Felos, Documentos do Xeneral Instín presentados por Nicole Caligarís de Nicole Caligarís
30 Frases para un Felo de Claude Royet-Journoud
31 Imaxes fixas de Martin Högström
32 Impedir a fenda do mundo de Olivier Cousin
33 Lentitude de Daniel Salgado
34 Máscara de Yu Jian
35 Máscara Pánica de Béatrice Bonhomme
36 Na noite dos nomes (Felos) de Emilio Arauxo
37 Nas lastras do barrio mineiro de Ronald Klapka
38 O ceo axudado por min de Pierre Le Pillouër
39 O Felo de Alain Jégou
40 O Felo ou de Luis G. Soto
41 O Felo sen fin de Anxo Pastor
42 O Felo vai falar! de Beátrice Machet
43 O felo, é toda unha humanidade… de Martin Melkonian
44 O Felo-da-compaixón de Martin Melkonian
45 O invisible de ser …. de Jacky Bourillon
46 O lobo a Lúa de Helena Eriksson
47 O océano reversible de Marie de Quatrebardes
48 O que nada nos afonda de Bieito Iglesias
49 Onde non estamos de Christiane Veschambre
50 Orbis personae de Alain Cressan
51 Os cavalos estám a viver as nossas vidas de Séchu Sende
52 Os Felos do Monte Toro @ Prada de Conflent de José Manuel Bouzo Limia
53 Os mestres da desorde de Michèle Chadeisson
54 Primeira felo silaba de Miriam Sánchez Moreiras
55 Repartición das máscaras de Jean-François Bory
56 Scan de Felo de David Lespiau
57 Se os Felos atravesan polos nosos poemas? de James Sacré
58 Tarde dun lince de Helena Eriksson
59 Ti recoñeces de Helena Eriksson
60 Toda esa infancia que desaparece de Claude Royet-Journoud
61 Un felo movemento de Chistophe Mescolini
62 Un pequeno héroe de carnaval de Martin Melkonian
63 Unha forma da que non se ten o molde en si de Dominique Fourcade
64 Xestos primaverais de Cécile Guivarch

Publicacións

Calendario Libreria Follas Novas

1 Xaneiro, 2018 Felos de Maceda

A Librería Follas Novas situada en Santiago de Compostela na rúa de Montero Ríos, 37 ven de publicar, como é xa costume, un almanaque de mesa co fin de agasallar os seus clientes. O ano pasado realizouse con imáxes de Faros galegos ao oleo. Nesta ocasión, o do ano 2018, vai adicado o Antroido e ilustrado cada mes ca colaboración do escultor ourensán Ramón Conde xunto coa sua filla Laura estando presentes os “Felos de Maceda”

Ramón Conde as súas pezas escultóricas, de corpos rotundos e poderosos, figuran xa en privilexiados espazos artísticos de moitos paises e tamén presente en diversas cidades galegas; en Vigo, Lugo, Santiago ou A Coruña expuxo gran parte da súa obra, altamente novidosa e orixinal.

Contacto:

Web da libreria

Enderezo electónico

Horario:

(Fío a fío de vida felos)

Contacto:

Os Felos e o Entroido en Maceda (Ourense)