Category Archives: Actividades

“Os nosos Entroidos” exposición en Ourense

Desde o día 9 ata final do mes de marzo, baixo o nome de “Os Nosos Entroidos” ten lugar no “Centro Cultural José Ángel Valente” unha exposición dos traxes tradicionais mais emblemáticos dos Entroidos.

Organizado polo Concello de Ourense e contando con máis de cincuenta personaxes do Entroido ourensán ven a cubrir a cancelación de todas estas grandes celebracións no ciclo festivo de maior relevancia na provincia.

Están presentes 44 localidades dun total de 34 concellos grazas a contribución de asociacións culturais e de particulares poderemos admirar figuras emblemáticas como “O Felo”, ” A Marela”, “Pantalla”, “Peliqueiro”, “Cigarrón”, “Boteiro”, “Morena de Laza”, etc… pero tamén contará con traxes recuperados despois de anos de estudo e de investigación antropolóxica ao longo da provincia menos coñecidos.

Xunto cos personaxes e os seus elementos, tamén se poderá coñecer grazas a esta exposición o traballo de recuperación de tradicións esquecidas na cidade de Ourense: é o caso dos domingos de cacharelas -o equivalente na cidade do domingo oleiro- ou as tradicionais líricas, pezas satíricas propias do Entroido ourensán semellantes ás que coñecemos doutras latitudes, coma as chirigotas gaditanas.

O Centro Cultural Ángel Valente está situado na rúa do Paseo, nº 4 de Ourense e estará aberto en horario ininterrompido de 10 da maña a oito da tarde. Entrada gratuíta.

Homenaxe de Helena Eriksson os Felos

Un ano, mais dende que que alo polo ano 2010 Helena atopouse co entroido ourensá e cos Felos en particular dan man do fotógrafo e etnógrafo Emilio Arauxo. Como cada sábado de entroido,  cando non pode troulear na serra de San Mamede ela véstese de Felo soa ou acompañada .

Este ano foi mais sentida si cabe, xa que por mor das restriccións do covid 19 os Felos non poideron sair.

Así que un ano mais   fixo o seu particualr homenaxe a nosa figura do  entroido dende  Vättlefjäll.

Entroido 2021

Este ano non hai entroido por mor da pandemia de Covid 19 que se desatou o ano pasado o pouco de rematar o entroido. Un ano atrás  dicen nos  que este ano non se ía poder sair as ruas houberamos pensado que tolearan. E aquí me tendes tecleando. O entroido levase dentro e se este ano non se pode celebrar na rua pois faremolo nas casas, nos pobos,  gardando as distancias e dende lonxe.

Pero o entroido non morreu, só  se vive doutro xeito.  

Os felos visitaron a Roberto Vidal no programa da tarde ¿Quen anda aí? o 9 de febreiro. 

Visitaron o 14 de febreiro o programa “Que nos pille rebolando!” da Tvg :  ver programa

Tamen soubemos que os farrumecos andiveron dando unha voltiña pola parroquia de Tioira o martes 9 de febreiro a tardiña, eso si con moito sentidiño só saudaron dende a rua!!!

Pero tamen atopamos o entroido online:

A sociedades Antropolóxica galega este ano 2021 celebrará a suas xornadas online do 12 o 24 de febreiro

“IX Xornadas sobre o Entroido de Galiza”. Edición on-line

O Museo do Pobo Galego  van celebrar unha nova edición de Máscaras Tradicionais de Entroido.
Este ano entroidaran en dixital nun percorrido que irá de Podence (Trás-Os-Montes, Portugal) a Toén (Ourense) pasando por Riofrío de Aliste (Zamora), compartindo o espírito resistente e creativo de Caretos, Labardeiros e Carochos.
Será os días 11, 12 e 16 de febreiro ás 19h00 na nosa canle:

 

Programa do Entroido Maceda 2020

Cartel Entroido 2020 Maceda
Cartel Entroido 2020 Maceda

O Entroido xa está entre nós, e en Maceda presumimos de elo. Festa Declarada de Interese Turístico de Galicia contamos co seguinte programa e información das diversas actividades:

04 de xaneiro, sábado, Festa de Inicio do Entroido. +información

Do 14 o 16 de febreiro, Pinchos de Entroido, +información

14 de febreiro cena de entroideiras no Lar dos Felos   +informacion

15 de febreiro, sábado a partir das 21h. Fiadeiro en Carguizoi. +información

16 de febreiro, domingo, Tarde de Bolouros na praza Cervantes a partir das 17h. +información

Programación Entroido Maceda 2020
Programación Entroido Maceda 2020

21 de febreiro, venres ás 20h. na Praza das Toldas Festa de Comadres+información

22 e 23 de febreiro,  sábado e domingo de Entroido saíndo ás 9:30 h. Antigo Matadoiro e percorrendo os Felos os pobos da Serra. +información sábado +información domingo

22 de febreiro, sábado, ás 19:30h. a baixada da Marela dende o Toural polas rúas da vila ca animación da Charanga BCB e Charanga Zes Pereiras de Amarante, ás 20:30h charanga BCB polas rúas e bares de Maceda para terminar as 00:00 h coa Marelada coa Charanga “Los Fugitivos” +información

24 de febreiro, luns de Entroido teremos Festa Infantil a partires das 17 h no Pavillón de Deportes con inchables e Desfile infantil +información

25 de febreiro, o martes de Entroido  Desfile de  Felos, Carrozas e Comparsas, dende ás 18:00 h desfile de disfraces con saída dende a rúa das Canteiras. Ás 21 h entrega de premios do desfile de disfraces, individuais e grupos ata cinco participantes (1º 125 €, 2º 75 €, 3º 50 €) Grupos de máis de 6 participantes (1º 175 €, 2º 120 €, 3º 90 €) e Carrozas (1º 250 €, 2º 175 €, 3º 125 €). +información

26 de febreiro, mércores de cinsa e como despedida, o Enterro do Entroido ás 20 h. na praza das Toldas. +información

Desfile Urbano 2020

Cartel Entroido 2020 Maceda
Cartel Entroido 2020 Maceda

25 de febreiro, o martes de Entroido  foi o Desfile de  Felos, Carrozas e Comparsas, dende ás 17:30 h

Desfile de disfraces que percorreu Maceda saíndo dende a rúa das Canteiras ata o cruce dos Milagres e regresando con chegada de novo a Praza do Felo.

Unha vez finalizado o desfile comezou a festa amenizada pola orquestra ” ”

Ás 20 h fixose entrega de premios do desfile de disfraces, resultando gañadores os seguintes participantes nas distintas categorias:

Individuais e grupos ata cinco participantes:

1º premio: “Mataratas”: 125 €

2º premio: “Os Picapedra”: 75 €

3º premio: “A danza da Trompa”: 50 €

Grupos de máis de 6 participantes:

 1º premio: “Os Anxos do Inferno”: 175 €

2º premio: “Os Dralion”:  120 €

3º premio : “As Chicas da Vespa”: 90 €

Carrozas:

1º premio: As Orkongadas:  250 €

2º premio: “Narcosubmarino”: 175 €

3º premio: “High SChool Dance”: 125 €

(accésit de 40€ para tódalas demais carrozas participantes):

“Maceda se va al Rocio”, “Zoológico Arnuide” e “Arnuide Bus Turistico”

Galería Fotográfica:

Percorrido Felos Maceda domingo 2020

O domingo 23 de febreiro de 2020 os Felos percorreron os pobos da Serra de San Mamede: Pías, Castro de Escuadro, Santirso, Xinzo da Costa, Celeiron saíndo pola tarde a Barxela, Vilardecás, Carguizoi, Sarreaus, e Tioira.

Agradecemos a todos os pobos da serra que ano tras ano reciben os Felos e maila súa corte de fotógrafos e entroideiros. 

Organizado polo Concello de Maceda e Asociación Felos da Corga da Serra.

Baixada da Marela 2020

Entroido 2020
Entroido 2020

Séptima edición da Baixada da Marela o 22 de febreiro de 2020, A actividade que correu a cargo da Asociación O Cruceiro de Maceda, deu  comenzo frente o Bar Indio ás 20.30h.

Dende o Toural baixaron os carros presididos pola Marela polas rúas ata o centro da vila ca animación da Charanga BCB e Charanga Zes Pereiras de Amarante,

Ás 20:30h charanga BCB polas rúas e bares de Maceda para terminar as 00:00 h coa Marelada coa Charanga “Pereira de Amarante”

Esta actividade xa esta consolidada no Entroido de Maceda e así o corroborá a gran afluencia de xente a Solta da Marela, moitos moitos participantes

Fotos:

 

Percorrido Felos Maceda sábado 2020

O sábado 22 de febreiro de 2020 os Felos percorreron Pías, Castro de  Escuadro, Santirso, Xinzo da Costa, Celeiron saíndo pola tarde a Barxela, Vilardecás, Carguizoi, Sarreaus, e Tioira.

Agradecemos a todos os pobos da serra que ano tras ano recibiron os Felos e maila súa corte de fotógrafos e entroideiros. 

Queremos  incidir en que apesar de que case todo o mundo se comporta civilizadamente algúns personaxes  que pasan polos nosos pobos comen e beben nas nosas mesas e deixan o lixo tirado no chan ou en calquer sitio que non corresponde.  Recordarvos a todos que esta festa é  nosa. Dos nosos pobos e das nosas xentes, que estamos tan orgullosos dela que nos encanta compartila, pero isto non é un botellón, nin a escusa perfecta para comer e beber gratis. Pedimos RESPECTO

Organizado polo Concello de Maceda e Asociación Felos da Corga da Serra.