Tag Archives: Entroido

Programa de entroido de Maceda 2023

26 Febreiro, 2023 Felos de Maceda

O Entroido comenzou o día 7 de xaneiro co desfile polo pobo acompañados da Charanga a Felga rematando coa cena dos participantes no multiusos .

Sábado 28 de xaneiro, sábado fareleiro e xa sairon grupos de Felos a percorrer os pobos.

Percorrerá a partir do próximo sábado 4 de febrero os recunchos de Maceda.

Sábado 4 de febreiro cos Compadres arranca un programa cheo de actividades.

O sábado 11 será o Fiadeiro en Carguizoi que contará coa visita dos Peliqueiros de Campobecerro.

O vernes 17 día de comadres que rematará cunha cea as 21:30.

Sábado 18 e 19 de febrero percorrido dos Felos polos pobos do concello, música a tardiña en Maceda.

Sabado 18 a tardiña baixada da Marela por Maceda acompañada de charangas e música.

Luns 19 a ANPA de Maceda organizará distintas actividades como os tradicionais bolouros de Tioira, a baixada da Mareliña ou o desfile infantil.

Martes 21 será o gran desfile de carrozas e comparsas a partir das 17:30 horas.

Sábado 25 despediránse as celebracions co «Enterro dos mecos».

Actividades, Fotos e Videos

Fin do Entroido 2023 en Maceda

25 Febreiro, 2023 Felos de Maceda

O entroido remata e para despedilo en Maceda o sábado 25 de febreiro de 2023. Para despedilo fixose o “Enterro da Sardilla”. Que consistente nunha procesión con moita tristura e nostalxia, polas rúas do pobo. Saiuda praza do Felo pasando pola praza de Benigno Alvarez, o concello, a rúa do Medio e regresar de novo a praza do Felo. Logo queimouse do Meco.

Acompañados pola musica da “Charanga A Felga” foron moitos os asistentes que se uniron a este evento festivo.

Este ano tamen se procedeu a queimar o menos votado dos mecos participantes na segunda edición do concurso de Mecos organizados pola Asociación de Comerciantes e Empresarios de Maceda.

Galería Fotográfica:

Actividades, Fotos e Videos

21 de febreiro 2023, desfile Urbano 2023

21 Febreiro, 2023 Felos de Maceda

O día 21 de febreiro de 2023, o martes de Entroido foi o Desfile de Felos, Carrozas e Comparsas en Maceda, dende ás 17:30 h.

Desfile de disfraces organizado polo Concello de Maceda, que percorreu Maceda saíndo dende a rúa das Canteiras ata o cruce dos Milagres e regresando con chegada de novo a Praza do Felo.

Unha vez finalizado o desfile comezou a festa amenizada pola orquestra ”Fusión” e con moita afluencia de xente, tanto vendo o desfile como disfrutando da festa seguinte.

Ás 20 h fíxose entrega de premios do desfile de disfraces de parte da nova alcaldesa: “Shakira”, resultando gañadores os seguintes participantes nas distintas categorías:

Individuais e grupos ata cinco participantes:

1º premio: “Tina Turner ”: 125 €

2º premio: “Afilador ”: 75 €

3º premio: “La Familia ”: 50 €

Grupos de máis de 6 participantes:

1º premio: “Entierro Africano ”: 175 €

2º premio: “Esto es Africa ”: 120 €

3º premio : “Rebobinando”: 90 €

Carrozas:

1º premio: “Pitas de Nos“: 250 €

2º premio: “París de Molgas”: 175 €

3º premio: “Shakira”: 125 €

(accésit de 40€ para tódalas demais carrozas participantes):

“ ”, “ ” e “ ”

Galería Fotográfica:

Actividades, Fotos e Videos

18 de febreiro 2023, baixada da Marela

18 Febreiro, 2023 Felos de Maceda

Un ano máis e a expectativa crece coa Baixada da Marela. Milleiros de persoas percorreron as rúas ao longo do día e sobre todo ocuparon beirarrúas e parques dende o Alto do Toural no preludio dunha longa noite en Entroido, na localidade de Maceda.

Sábado de Entroido, 18 de xaneiro de 2023, ás 21.00 horas, baixou dende o Alto do Toural unha procesión moi numerosa, con máscaras de madeira, peles, cornos e ‘chocas’ acompañando a viaxe da vaca “Marela”, figura recuperada hai unha década. pola Asociación Felos das 12 parroquias e que se converteu nunha das celebracións máis esperadas polos macedonios e os numerosos visitantes que xa teñen este día como data inamovible.

Durante o percorrido reinou o impresionante ritmo marcado polo portugués Zés Pereiras de Amarante nunha xira que contou tamén coa ambientación de charangas, onde non podían faltar os locais da Felga de Maceda acompañados polo celanovés BCB, que prolongará a festa ata altas horas da maña.

A festa continuou co acompañamento da Charanga Fuego.

Galería de fotos:

Actividades, Fotos e Videos

4 de febreiro 2023, compadres Maceda

4 Febreiro, 2023 Felos de Maceda

O sábado día 4 de febreiro de 2023, día de feira, celebrouse o día de compadres.. Xuntaronse grandes e pequenos con ganas de festa .

Horario:

As 5 da tarde dende a ANPA CEIP MACEDA organizou na Praza un taller de elaboración de compadres e comadres para nenos con material de refugallo.
Ás 7 da tarde, tamén na praza, hobo unha quedada para que cada grupo troixera elaborado un meco e música para montar festa.
Os compadres participaron homes e mullers, pero estas disfrazadas de homes.
Os participantes xuntaronse na praza cos nosos mecos acompañados da música, despois colocaronse polo pobo onde cada un quixo e a festa continuo polo pobo.

Houbo pouca participación,, agás os cativos que o pasaron en grande..
Todos os mecos participaron nun concurso con tres grandes premios.

Actividades

Fiadeiro Carguizoi 2023

2 Febreiro, 2023 Felos de Maceda

O sábado día once de febreiro de 2023, a tardiña fixose o fiadeiro en Carguizoi.

Este ano encargouse de organizar todo os mozos do pobo coa inestimable axuda dos veciños.

O concello de Maceda prestou a carpa e regalou pan e empanadas.

O grupo as Xoaniñas (grupo formado por mulleres da parroquia de Tioira e quen se queira apuntar) como todolos anos axudaron con manxares doces e salgados. Pero a colaboración coma sempre foi enorme. Dende comercios de Maceda, Baños de Molgas, Niñodaguia, a Derrasa, San Ciprian das Viñas, Ourense, Panton e veciños da parroquia.

Os mozos tamen venderon chapas e unhas cuncas de barro a mais de un bar para recaudar fondos e tratar de autofinanciarse cada vez mais.

Xuntaronse grupos tradicionais de baile e de musica, algúns invitados e outros espontaneos. Coma sempre os grandes protagonistas foron os felos .

Ademais contamos como figura do Entroido convidada cos “Peliqueiros de Campobecerros”

Galería Fotográfica:

Publicacións

Reapertura do MuGaEO

16 Novembro, 2022 Felos de Maceda

O pasado mércores 16 de novembro de 2022 volveu abrir as súas portas o Museo Galego do Entroido. Despois dun período de incerteza, acompañado dunha pandemia mundial, o MuGaE vai a ter estabilidade nos horarios de apertura e no desenvolvemento das súas actividades.
A nova equipa está conformada por dúas rapazas que proveñen do mundo da educación e do ocio e tempo libre, As Curuxas SC con sede en Allariz. Contan con vinculación a comarca da Limia e con outros Entroidos da provincia por vinculación familiar. A súa querenza ao Entroido galego foi o que as animou a asumir este proxecto.
O principal obxectivo da nova equipa é dotar ao museo de vida e chegar ao conxunto da sociedade galega. Para isto, queren crear unha axenda de actividades culturais e mover moito as redes sociais do museo. Hoxe en día ter un papel activo no mundo virtual é igual de preciso que as actividades que se poidan levar a cabo nas propias instalacións.
Unha das actividades propostas para as redes sociais é dar a coñecer as diferentes personaxes do Entroido galego e ibérico. A primeira personaxe presentada foi o felo de Maceda, a cal tivo unha boa acollida entre os usuarios das redes sociais.

Horario:

-Luns e martes pechado
-Mércores a domingo, festivos incluídos: 10:00 a 13:30 e 16:00 a 18:30.
Estes serán os horarios de inverno, no verán ampliaranse

Actividades, Fotos e Videos

Mascarada Ibérica 2022 Vilariño de Conso

20 Marzo, 2022 Felos de Maceda

O domingo, 20 de marzo de 2022, na localidade de Vilariño de Conso, a partir das 11:30 da maña, tivo lugar a VII edición da Máscarada Ibérica na que se reuniron 33 grupos procedentes de España, Portugal, e Italia, despois do parón do ano 2020 polo covid, e suspendelo polo mesmo motivo no 2021.

Así tivemos ocasión de ver aos grupos enumerados a continuación ataviados con traxes tradicionais e máscaras de inverno chegados desde Galicia, Cantabria, Castela e León, Castela-A Mancha, País Vasco, Portugal ( Bragança e Viseu) e Italia (Sardeña):

Antruejo de Carrizo de la Ribera – Leon
Asociación Xuntos Polo Fulión e Boteiros – Vilariño
Atenazador – San Vicente de la Cabeza, Zamora
Boi. Charrelos, Home de Prada, Morte, Vella e Zamarreiro – A Veiga
Bonitas – Sande, Cartelle
Caretos – Lazarim
Caretos (Parada de Infançôes, Bragança
Carnaval – Abanto, Zierbena, Bizkaia
Diablos e mascaritas – Luzón, Guadalajara
Entroido de Samede – San Mamede, Paderne
Felos e Madamas – Esgos
Follateiros – Lobios
Fulión e Mázcaras – Buxán
Fulión e Mázcaras da Mourela pra acá – Manzaneda
Fulión, Mula e Boteiros de Viana do Bolo
Galos – San Pedro, A Mezquita
La Vijanera de Silió – Cantabria
Joaldunak – Ortuella
Madamas e Galáns – Carzoá, Cualedro
Madamas e Galáns – Cobres, Vilaboa
Mamuthones e Issohadores – Mamoiada, Nuoro
Mazcaras (A Xironda)
Mazcaras y madamas – Pombriego, León
Merdeiros – Vigo
Oso de Salcedo – Pobra de Brollón, Lugo
Rancho e Cabaleiros de Entroido da Feira (Salceda de Caselas)
Sidros y Comedies de Valdesoto
Talanqueiras y Visparros – Zamora
Toro e Xigante – Celavente, O Bolo
Vellarróns – Riós
Vergalleiros de Sarreaus
Xenerais do Ulla

Esta cita comezou no ano 2015 con dez grupos participantes, cinco anos máis tarde. no 2020, o encontro muda de nombre e a “Máscarada Ibérica” pasa a llamarse “ViboMask” incluindo máis actividades durante toda a fin de semana.

A pesar das temperaturas baixas desta época poidemos disfrutar dun desfile no que a vistosidade e colorismo das máscaras participantes.
Unha breve mostra fotográfica de todo esto:

Mamuthones e Issohadores – Mamoiada, Nuoro

Actividades, Fotos e Videos

Baixada da Marela 2022

26 Febreiro, 2022 Felos de Maceda

O 26 de febreiro de 2022, despois do parón pandemico do ano 2021, e ainda que sin convocatoria previa realizouse a octava edición da Baixada da Marela, A actividade que correu a cargo da Asociación Felos das 12 Parroquias, deu comenzo frente o Bar Indio ás 20.30h.

Dende o Toural baixaron os carros presididos pola Marela polas rúas ata o centro da vila ca animación da Charanga BCB e Charanga Zes Pereiras de Amarante,

Ás 20:30h charanga BCB polas rúas e bares de Maceda para terminar as 00:00 h coa Marelada coa Charanga “Pereira de Amarante”

Esta actividade xa esta consolidada no Entroido de Maceda e así o corroborá a gran afluencia de xente a Solta da Marela, moitos moitos participantes e a festaza polas rúas de Maceda despois.

Gracias os hosteleiros que colaboraron: Bar Sala, O Pincho, Porta Sacra, Pagas tú, Km 0, Café bar Plaza, Casa Rosa, A Fenda, Cervexería, Restaurante a Diligencia, Cafetería Castillo, Pub Simbol e Umpalumpa, grazas pola vosa colaboración.

Actividades, Fotos e Videos

Tolemias do Entroido 2022

5 Febreiro, 2022 Felos de Maceda

Este ano arranca o Entroido entre tristura e alegría. Sentimentos encontrados que non sabemos moi ben como controlar. O Entroido é exceso, risas, troula hasta irreverencia, pero estamos a pique de vivir un Entroido distinto. Despois desta pandemia, de botar tanto tempo na casa primeiro sen poder saír , sen poder relacionarnos. sen poder estar o redor dunha mesa a comer e beber, de sobremesas interminables acompañadas de algún chupito e algún doce, sen poder troulear no Entroido, nas festas….. por fin CHEGOU!!!

Comeza o Entroido.

Este ano será un Entroido intimo, noso, da casa.

Todos traemos a cabeza a mil,¿ vestirse ou non vestirse?

Todas estas preguntas que non nos deixan acougar por fin se resolveron este sábado.

Saímos e a nosa xentiña recibiunos coma nunca, moitos nos dixeron que debemos ser prudentes pero que hai que vivir. A vida nos pobos ten outro ritmo, lento e tranquilo, pero cando chega o Entroido cambia. Todo son luces e cores, barullo e risas. Este Entroido non importa o tempo que faga, con este Entroido chega a luz a moitas casas onde durante case dous anos había medo, soidade e moita tristura.

O Felo é traste pero está claro que tamén ten un sentimento profundo de arraigo coa xentiña da Corga da Serra.

Así que este ano LUME pero tamén sentidiño e bo paso .