Por segundo ano consecutivo celebrouse en Carguizoy unha foliada onde os veciños puderon bailar o son de gaitas , panderetas, bombos e acordeón. As chocas no pararon de soar e os felos retranquieros meteronse cos veciños que por alí pasaron. Os veciños de Carguizoy agasallaron os Felos, músicos e visitantes con bebida e comida a esgalla.
Category Archives: Actividades
Os Bolouros 2018
ACTIVIDADE SUSPENDIDA.
Organizado pola Asociación de Felos da Corga da Serra ca colaboración do Concello de Maceda, o sábado 3 de febreiro de 2018 a partir das 17:30h. “Bolourada” na Aira dos Patos de Tioira, amenizada pola Charanga “A Felga” de Maceda.
A partir das 19h. será a Asociación Taberneiros do Pobo os encargados da Cea (Empanada, Chourizos, pan, viño e auga) cun prezo 5 € por persoa.
Venda anticipada de entradas nos seguintes locais: O Lar dos Felos (Tioira), Ferretería Aldraba, Umpalumpa Café-Teatro e A Cervexería (Maceda).
O Prazo para poder mercar unha entrada remata ó 30 de Xaneiro de 2018.
Aprender a facer bolouros
O domingo 28 de xaneiro xuntaronse no Umpalumpa de Maceda os mellores aprendices que poideron atopar para aprender a facer bolouros. Pois de todos é sabido que a mellor forma de respetar o legado dos nosos maiores é que os nosos cativos aprendan dende pequenos. A única forma de preservar o noso legado é vendo como se fan e aprender a facelos.
Paseando pola feira
Aproveitando o sábado 20 de xaneiro de 2018 que se celebraba a feira en Maceda, os Felos dan un paseo pola feira:
Xuntanza en Campobecerros 2018
O sábado día 20 de febreiro de 2018 celebrouse unha xuntanza na aldea de Campobecerros no concello de Castrelo do Val en Ourense, na que estiveron presentes os Peliqueiros e Parranfóns de Campobecerros, os Boteiros de Viana do Bolo e os Felos de Maceda.
A xuntanza tivo lugar a noitiña e ali puderonse ver escenas ben curiosas peliqueiros e felos xuntos percorando as ruas do pobo acompañados do soar das chocas dos Felos e das Tamborradas de Viana. Aquí queda recollido os permisos que pediron para entrar o pobo:
O Boteiro:
Viana, o folion:
Boas tardes veciñas e veciños do lugar, Campobecerros nesta tarde de xaneiro esta listo este boteiro acompañado do fulión Que veñen tocar con ilusión, o tambor “O Luisisin” de director “O Chatin”
Que soe o folión na plaza e que se sinta ata en Laza Boteiros,Felos e Peliqueiros Primos irmans e compañeiros. Vamos beber da mesma taza sen convidar os de laza. Sen mais que contar vamos tocar e brincar ata o fondo do lugar. E xa pa rematar GRAZAS por nos convidar A tan fermoso lugar. Co permiso do que manda a ronda vamos comenzar. ¡Viva o Entrudio¡Viva
O pobo de Campobecerros agradece esta visita
E esperamos que noutra ocasion se repita
Os felos son de Maceda, de Verin os cigarróns, de Viana estes boteiros e o entruido de campos facémolo todos nós!
Sen axuda do concello, nin da administración, que se outros teñen cartos, non teñen a nosa ilusión//!
Do fulión queremos disfrutar
Non vos fagades tanto de rogar
Podedes empezar a tocar
Que tedes permiso para pasar
Vivan os boteiros, viva o parranfón, vivan os felos
Os Felos na IV edición da Mascarada Ibérica
Rituais relativos o Entroido de diferentes puntos da península ibérica citaranse en xaneiro de 2018 o día 13 en Viana do Bolo e o 14 en Vilariño de Conso durante a cuarta edición da Mascarada Ibérica.
Organizado pola Comisión Entroido 2018 de Viana do Bolo, Asociación Xuntos por o Folión de Vilariño de Conso e S.A.G.A. (Sociedade Antropolóxica Galega) con la colaboración del Concello de Viana do Bolo, Deputación Provincial de Ourense, Concello de Vilariño de Conso y la Asociación de Mulleres Rurais de Viana do Bolo.
Horario:
O programa da Mascarada comezaráo 13 de xaneiro de 2018 ás 16:30h. nas rúas de Viana do Bolo e, o día seguinte, a partires das 12h. nas rúas de Vilariño de Conso.
Participantes:
Máis de 600 participantes de 39 agrupacións diferentes. Así de Ourense estarán o Fulión de Buxán (O Bolo); o Fulión das Carrelas, Cabo da Vila, os Rurais e o Alternativo, todos de Viana do Bolo; a Asociación Xuntos polo Fulión, de Vilariño de Conso; o Fulión de Mormentelos, tamén de Vilariño; o Fulión a Mourela p’acá de Manzaneda; os Galos de San Pedro (A Merca), as Madamitas de Entrimo, as Bonitas de Sande, Troteiros de Bande, Felos de Maceda, Pantallas de Xinzo, Cigarróns de Verín, os Peliqueiros e o Parranfón de Campobecerros, Vellarróns de Riós e o Touro e Xigante de Celavente. Do resto de Galicia participarán: os Xenerais do Ulla, os Merdeiros de Vigo, o Entroido de Cobres (Vilaboa), o Entroido Ribeirao de Santiago de Arriba (Chantada).
E do resto da Península, estarán de Zamora Atenazador de San Vicente de la Cabeza, Ka Talanquera y Visparra de San Martín de Castañeda, Sanabria. De León: Antruejo de Carrizo de la Ribera. Guadalajara; Diablos y Macaritas de Luzom. Asturias presente con los Sidros de Valdesoto. Cantabria con Vijanera de Silió, Zamarrones de los Carabeos y Antruido Pare de Piasca.
Portugal estará tamen presente co Farandulo de Tó, Velho Chocalheiro de Vale de Porco, Careto de Valverde. Chocalheiro de Bemposta, Velhos de Bruço, Caretos de Parada e Caretos de Lazarim.
No ano 2016 foi recoñecida pola Sociedade Española de Antropoloxía e Tradicións Populares co Premio Nacional de Tradiciones 2016.
Mascarada Ibérica 2018 Vilariño
Fotos da Mascarada Iberica en Vilariño de Conso
Mascarada Ibérica 2018 Viana
Fotos Mascarada Viana do Bolo:
Comezo Entroido Maceda 2018
Tradicionalmente os Felos fanse presentes por primeira vez no ano unha vez soen as campas de Fin de Ano, soamente o son das chocas e non saen vestidos de Felo ata que comeza “o calendario de Entroido” o domingo fareleiro.
Así o sábado 6 de xaneiro de 2016 organizouse unha celebración con motivo do inicio do Entroido de Maceda e ca presenza da Figura do Felo promovida polo Concello de Maceda e a Asociación Felos da Corga da Serra. Retomando esta actividade da que celebramos nestas mesmas datas o ano 2015 con motivo do reconocemento do Entroido de Maceda e especialmente da Figura do Felo como Festa de Interese Turístico de Galicia pola Xunta de Galicia.
Os Felos portando as chocas e a carauta soamente seguidos pola xente disfrazada percorreros as rúas de Maceda para proseguir a festa ceando todos xuntos no Hotel Monumento Castelo de Maceda e celebrando ata altas horas.
Xa comezou o Entroido.
Galería de fotos no xornal La Región
Os Felos paseanse por Quiexumes dos Pinos
Despois de 3 anos sen presentar novo espectáculo, chegou: “Ourense con sentimento” de “Queixumes dos Pinos”. É un espectáculo de Folclore, música, danza, audiovisual e teatro achega a Ourense, das súas paisaxes, as súas xentes, os seus costumes.
É como un musical referenciado en Ourense onde tradición e modernidad dan lugar a este Ourense Con Sentimento.
A organización do Espectáculo “Ourense con Sentimento” xorde con motivo de dar a coñecer a provincia de Ourense desde un punto de vista diferente. Unha historia na cal dúas anciás falan da súa Ourense e levánnos a unha visión particular do que é Ourense. É un espectáculo no que se mestura o audiovisual co musical e folclórico.
Trátase dun espectáculo no que se percorrerá a Ribeira Sacra co viño e o afilador, un paseo polos magostos como festa central de Ourense, unha visión do carnaval de Ourense cos Felos de Maceda, Troteiros de Bande e Cabreiros de Lobios, un paseo polo rio Miño e as súas augas termales finalizando coas festas patronales e as súas procesións, todo iso baixo o folclore a música, o canto e o audiovisual. Un espectáculo diferente e innovador.
O espesctáculo poderase ver no Teatro Principal en Ourense o 8 de abril do 2017 as 20:30.