Exposición de fotografia en Ribadavia ata o 26 de abril. Traxe cedido pola Asociación Felos da Corga da Serra de Maceda — en Ribadavia.
Category Archives: Actividades
“Xunguir non é esmorecer senón medrar” no Castelo de Maceda
Fotografía, gastronomía e música en Maceda
O 5 de abril de 2014 ás 20 h. no hotel monumento Castelo de Maceda inaugurase a exposición fotográfica da fotografa Rita Blanco Fernández que baixo o nome “Xungir non é esmorecer, senón medrar” presenta unha colección de imaxes baseadas nas figuras dos entroidos de Maceda, Xinzo de Limia e Sarreaus como protagonistas, Felos, Pantallas e Vergalleiros inteactuando entre si e apostando pola unidade dentro da diversidade do Entroido ourensán. Esta exposición estará visitable no Castelo de Maceda desde o día 5 ata o día 13 de abril.
A continuación da inauguración da exposición e dentro da terceira edición das xornadas de Fado e Gastronomía que se levan a cabo no Castelo terá lugar a cea elaborada polo cociñeiro e xerente do Castelo, Carlos Parra e para rematar a xornada a actuación da fadista María do Ceo.
Programa:
20 h Inauguración da exposición “Xungir non é esmorecer, senón medrar”
21:30 h. Cea
23:30 h Actuación da fadista María do Ceo.
Para reserva para a cea ou máis información: info@hotelcastillodemaceda.com Telf. 988463367
Web Castelo de Maceda
http://www. hotelcastillodemaceda.com
Baixada da Marela 2014
O sábado, 1 de marzo de 2014, despois de percorrer cos Felos os pobos da Serra de San Mamede, e por primeira vez fíxose a “Baixada da Marela”.
Esta actividade a cargo da Asociación O Cruceiro de Maceda tivo lugar dende o alto da vila, acompañando “procesionalmente” con fachos e un carro con fariña a “Marela” unha vaca moi traviesa que baixou ata o centro onde bailou ata altas horas acompañada cunha charanga BCB.
A “Baixada da Marela”, segundo a asociación convocante, e unha recuperación dunha antiga tradición de Maceda.
Non foi moi concorrida, por ser unha actividade nova e tamén debido a chuvia incesante durante todo o recorrido pero a xente presente viviuno con gran entusiasmo.
Colaboración con Grupo Cuevas 2014
Una vez máis a asociación Felos da Corga da Serra colabora co Grupo Cuevas na organización da “Exposicion do entroido en supermecados Aquie”.
Esta é a 2º vez que a Asociación presta un traxe o Grupo Cuevas para que no entroido fagan unha exposición no supermercado.Esta vez en Santiago de Compostela.
O Grupo Cuevas esta recoñecido como un dos mais inovadores do sector — en Santiago de Compostela.
Feira Gastronómica Xantar 2014
Do 5 o 9 de febrero celebrouse en Expourense a décimo quinta edición do Salón Internacional da Gastronomía e Turismo. Falamos de Xantar 2014.
O recinto ferial de Ourense foi o esceario do 15º Salón Internacional de Gastronomía e Turismo, Xantar 2014. Do 5 o 9 de febrero. Este ano estreouse como cita internacional. Esto non é novidade xa que conta con outro país como invitado. O ano pasado foi Perú. Este ano foi Cuba quen formou parte das actividades do programa.
O salón galego de gastronomía e turismo contou con 12.000 metros cadrados cubertos, onde se instalou unha zoa de exposición. Ademáis da habitual recreación dos restaurantes, foron arededor de 20.
Houbo espazos para realizar conferencias, presentacions, talleres, exposicions, demostracions, cursos de cata, degustacions, etc.
O felo paseouse polas instalacions para darse a coñecer e promover o stand de Maceda
Desfile dos Entroidos de Galicia en Santiago 2014
O domingo, día 9 de febreiro, os entroidos de Galicia desfilarán na Praza do Obradoiro de Santiago de Compostela e percorrerán as principais rúas e prazas do Casco histórico da cidade.
11 h.- Percorrido dos Entroidos polas rúas e prazas de Santiago, con saída da Dársena de Xoán XXIII pasando por San Francisco, Obradoiro, Fonseca, Vilar, Toural, Nova
Praterías, Fonseca, chegando á Praza do Obradoiro as 12.15 h
12.30-15:00 h.- Actuacións dos grupos.
15.00h.- Fin do acto
17.00 h-. Os entroidos acudirán á Praza da Quintana e desfilarán polas rúas do Casco histórico.
Os Entroidos participantes son “Os Xenerais do Ulla” (Vedra, Touro, Vila de Cruces, Teo, Silleda, A Estrada, Boqueixón e Santiago de Compostela), Cobres (Vilaboa), Portas de Galicia (Verín, Laza, Viana do Bolo, Vilariño de Conso, Cualedro e Riós), Xinzo de Limia, Maceda, Manzaneda, Vilanova de Lourenzá, A Pobra do Brollón e Chantada.
Desfile dos Entroidos de Galicia en Santiago
O domingo, día 9 de febreiro de 2014, os entroidos de Galicia desfilarán na Praza do Obradoiro de Santiago de Compostela e percorrerán as principais rúas e prazas do Casco histórico da cidade.
11.00. h.- Saída da Dársena de Xoán XXIII
Percorrido polas rúas e prazas:
San Francisco
Obradoiro
Fonseca
Vilar
Toural
Nova
Praterías
Fonseca
12.15 h.- Chegada do desfile á Praza do Obradoiro
12.30-15:00 h.- Actuacións dos grupos.
15.00h.- Fin do acto
17.00 h-. Os entroidos acudirán á Praza da Quintana e desfilarán polas rúas do Casco histórico.
Entroidos participantes:
.-XENERAIS DO ULLA ( VEDRA, TOURO, VILA DE CRUCES, TEO, SILLEDA, A ESTRADA, BOQUEIXÓN E SANTIAGO)
.- COBRES (VILABOA)
.-PORTAS DE GALICIA (VERÍN, LAZA, VIANA DO BOLO, VILARIÑO DE CONSO, CUALEDRO E RIÓS)
.-XINZO DE LIMIA
.-MACEDA
.-MANZANEDA
.-VILANOVA DE LOURENZÁ
.-A POBRA DO BROLLÓN
.-CHANTADA
Entroido Maceda 2014
PROGRAMA:
Venres 21 febreiro, compadres Maceda 2014, ás 20:30 h “Pregón” e “Foguetazo” na Praza das Toldas e ás 21:30 h. Sorteo de agasallos e 1ª edición do porco untado na Aira das Mantas tendo a continuación a ruta de Pinchos cun prezo de 5 euros, 8 pinchos sen bebida, de agasallo un pano e con dereito ó sorteo.
27 de febreiro, xoves de Comadres con saída do concello ás 20 h, cea no restaurante a Dilixencia con animación musical. Prezo 12 euros. Incribirse na oficina de cultura do Concello (telf 988 463001)
1 e 2 de marzo, sábado e domingo de Entroido saindo ás 9:30 h. da praza das Toldas e percorrendo os Felos os pobos da Serra.
Pola mañá recorrerán Castro de Escuadro, Pías, Xinzo da Costa, Celeiron saíndo pola tarde a Barxela, Vilardecás, Carguizoi, Sarreaus, Tioira e regreso a Maceda. 20:30 h recibimento dos felos, desfile por Maceda e animación musical na Praza das Toldas dende as 20.30 h.
Domingo saída dende Restaurante A Dilixencia ás 10 h. dos Felos polos pobos da Serra.
3 de marzo, luns de Entroido teremos festa infantil a partires das 17 h no pavillón municipal de deportes.
4 de marzo, martes de Entroido dende ás 17:30 h desfile de disfraces con saída dende a rúa das Canteiras. Animación musical e ás 21 h entrega de premios do desfile de disfraces, grupos (1º 100 €, 2º 50 €, 3º 30 €) Grupos de máis de 5 participantes (1º 160 €, 2º 120 €, 3º 90 €) e Carrozas (1º 250 €, 2º 175 €, 3º 125 €, 4º 100 €)
5 de marzo, mércores de cinsa e como despedida, o Enterro do Entroido ás 20 h. na praza das Toldas.
Diploma entregado a Genma Ruiz por a sua aportacion no 1º concurso de Carteis de Entroido 2014. Cun pequeno agasallo da Asociación
Exposición en Vigo no Museo Liste
“Xungir non é esmorecer, senón medrar”
Exposición fotográfica da fotógrafa Rita Blanco Fernández que baixo o nome “Xungir non é esmorecer, senón medrar” presenta unha colección de imaxes baseadas nas figuras dos entroidos de Maceda, Xinzo de Limia e Sarreaus como protagonistas, Felos, Pantallas e Vergalleiros inteactuando entre si e apostando pola unidade dentro da diversidade do Entroido ourensán. Esta exposición estará visitable no Museo Liste dende o día 17 ata o día 29 de xaneiro.
Esta exposición esta apoiada pola Asociación Felos da Corga da Serra de Maceda. A sua autora, Rita Blanco Fernández combina nesta recopilación de mais de trinta imaxes dúas das súas paixóns por un lado a súa afición a fotografía como reportaxe a fin de captar escoas non estáticas, buscando a descrición do movemento como sinatura característica e a súa outra paixón os entroidos destacando o colorismo e a beleza de formas tanto nas máscaras como nos traxes de estas figuras do Entroido.
Anuncio Estrella Galicia
Como ven sendo habitual, a marca de cervexas galega con sede na Coruña, Estrella Galicia, fai unha campaña publicitaria de promoción dos seus productos na que para a imaxen toma tres persoaxes típicos do Entroido: unha pantalla de Xinzo, un Peliqueiro de Laza e un Felo de Maceda, ponlle corpos de músicos baixo o lema “Entroido de Ourense & Estrella Galicia, O Noso, é o Noso”
Campaña promocional de repercusión en prensa escrita sendo presentes durante todo o tempo de Entroido.